هل تايلاند تستحق الزيارة كيف الأمان وما افضل لأماكن ؟

ما تستحق أبداً ، إما تدشر أو تطامر بفعاليات بحرية متعبة و احتمال ينصبون عليك ! الشعب تعامله سيء و المواصلات غالية و الفنادق غالية و كلها حشرات ! فيه أماكن محدودة حلوة مثل أسواق بانكوك و ستاربكس بوكت "الإطلالة" ، لكن ما يسوى الموضوع أنك تسافر عشان الأشياء المحدودة هذي.

تايلند عمله ذات وجهين ،، واعتبرها من افضل الدول للعوائل اذا تعرف وين تروح (( رحت تايلند 14 مره وفي مره جلست فتره علاج ٣ شهور متواصله)) ،، في اماكن للعوائل ، حدايق واسواق و فعاليات و منتجعات بعيد عن الخراب وشعب مبتسم ،، وللاسف اسواء مكان شارع العرب ^^ نانا^^

البلد حلوة وشعبهم لطيف وهادي وبحاله .. لكن لا تستخدم التيك توك الا لو اتفقت معاه قبل ما تركب ولو قعد يكاسر معاك لا تركب معاه ابدا ابدا .. خلك عالقطارات ممتازة واسرع ورخيصة وكل المولات عندهم محطة قطار والرحلات اتفق مع شركة سياحة تاخذك من الفندق وترجعك

انا اليوم جيت منها بلد جميلة والاولى سياحيا في العالم وشعب مبتسم، وفي كل مكان موجود الطيب والبطال، يعني الواحد يسأل ويرتب برنامجه بالأماكن اللي يبيها وانا كتبت تقارير كثير عن تايلاند والاماكن المناسبه للعوائل

رحت لها مليون مرة وعشت فيها ودرست فيها شعب لطيف والمواصلات كنت استخدم القطار ٤ بات للمشوار وممنوع الأكل والشرب بالقطارات والفنادق مادري وين قعدت صراحة تروحون الرخيص ولا شارع نانا وتسبون البلد

ادخل موقع تريب ادفنتشر فيه كل الاماكن السياحيه التقييم والاسعار وتقدر تشوف المطاعم الحلال واسعارها واماكنها جميله تايلاند رتب جدولك من مولات لملاهي لحدائق مائيه او مغامرات كله متوفر

احدثك من بوكيت ماتنفع عوائل شباب ممكن مرة وحدة فقط غير كذا الي يقول عوائل اصحاب مصالح سياحية

اختر الوقت المناسب لان فيه وقت موسمي عندهم تكثر الامطار وتصير التنقلات صعبة

فوكيت بس رأي اغلب اللي سافروا

جميله وتستحق رحتها مرتين

بلد جميل اشجعك ع زيارتها